ახალი ამბები
-
3 სექტემბერი, 2010: უკრაინულ რადიო ”ერა”-ში გიორგი ბარამიძის ეთერს უკრაინული საზოგადოების მხრიდან უპრეცედენტოდ დიდი ინტერესი და საქართველოს მიმართ კეთილგანწყობის გამოხატვა მოჰყვადაწვრილებით
ვიცე პრემიერ-მინისტრი გიორგი ბარამიძე სამუშაო ვიზიტით უკრაინაში იმყოფება. გიორგი ბარამიძემ შეხვედრა გამართა კიევის საოლქო ადმინისტრაციის ხელმძღვანელობასთან, სადაც განხილულ იქნა კიევის ოლქსა და საქართველოს ერთერთ მხარეს შორის დაძმობილების პერსპექტივა, ასევე საქართველო-უკრაინას შორის ურთიერთობების გაღრმავებისა და ქვეყანაში ინვესტიციების მოზიდვის ხელშეწყობის საკითხები.
ყველაზე პოპულარულმა და გავლენიანმა უკრაინულმა რადიოკომპანია ”ერა”-მ გიორგი ბარამიძე 1საათიან გადაცემაში მიიწვია, სადაც საუბარი შეეხო საქართველოში მიმდინარე რეფორმებს, საქართველო-უკრაინის ურთიერთობების განმტკიცებას, რუსეთის მიერ საქართველოს ოკუპაციის და კონფლიქტის მშვიდობიანად დარეგულირების საკითხებს, საქართველო-უკრაინას შორის ბიზნეს ურთიერთობების გაღრმავებისა და უკრაინიდან საქართველოში ტურისტების მოზიდვის პერსპექტივებს.
-
1 სექტემბერი, 2010: ვიცე პრემიერ-მინისტრ გიორგი ბარამიძის შეხვედრა უკრაინის ელჩთანდაწვრილებით
ვიცე პრემიერ მინისტრი გიორგი ბარამიძე უკრაინის ელჩს ვასილი ცებენკოს შეხვდა.შეხვედრაზე საუბარი შეეხო უკრაინა-საქართველოს შორის და ევროინტეგრაციის მიმართულებით ურთიერთობების გაღრმავებისა და გააქტიურების საკითხებს, ასევე ბიზნესის განვითარებას და ორი ქვეყნის ბიზნესის წარმომადგენლებისთვის უფრო მეტი ხელშემწყობი გარემოს შექმნის საკითხებს საქართველო-უკრაინის ეკონომიკური კავშირების გაღრმავების მიზნით.
-
4 აგვისტო, 2010: 2010 წლის ევროკავშირის საუნივერსიტეტო თანამშრომლობის პროგრამა „ტემპუსის“ მესამე საგრანტო კონკურსის შედეგებიდაწვრილებით
2010 წლის ევროკავშირის საუნივერსიტეტო თანამშრომლობის პროგრამა „ტემპუსის“ მესამე საგრანტო კონკურსში ქართული უნივერსიტეტების მონაწილეობით ხუთი პროექტი დაფინანსდა, რაც ყველაზე უფრო მაღალი მაჩვენებელია საქართველოში ტემპუსის პროგრამის განხორციელების დაწყებიდან. სულ კონკურსზე ქართული უნივერსიტეტების მონაწილეობით 35 განაცხადი იყო წარდგენილი, რომელთაგან 18 პროექტმა წარმატებით გაიარა შეფასების სამივე ეტაპი, მაგრამ საბიუჯეტო შეზღუდვების გამო საბოლოოდ ხუთი პროექტი დაფინანსდა.
-
დაწვრილებით
30 ივლისს პარიზში საქართველოსა და საფრანგეთის რესპუბლიკას შორის კვალიფიციური სპეციალისტების ბინადრობისა და ცირკულარული მიგრაციის შესახებ ხელშეკრულებაზე მოლაპარაკებების მეორე რაუნდი გაიმართა.
საქართველოს მხრიდან მოლაპარაკებებს ხელმძღვანელობდა ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის პირველი მოადგილე თამარ ბერუჩაშვილი, საფრანგეთის დელეგაციას ხელმძღვანელობდა საფრანგეთის იმიგრაციის, ეროვნული იდენტობისა და სოლიდარული განვითარების სამინისტროს საერთაშორისო საქმეთა და განვითარების სამსახურის უფროსი კასიმ კელალი.
-
23 ივლისი, 2010: ვიცე პრემიერ–მინისტრი გიორგი ბარამიძე ეუთო-ს გენერალურ მდივანს მარკ ბრიშამბოს შეხვდადაწვრილებით
ავსტრიის რესპუბლიკაში სამუშაო ვიზიტით მყოფმა ვიცე პრემიერ–მინისტრმა გიორგი ბარამიძემ შეხვედრა გამართა ეუთოს გენერალურ მდივანთან მარკ ბრიშამბოსთან. შეხვედრა სრული ურთიერთგაგების გარემოში წარიმართა. საუბარი შეეხო ასტანაში დაგეგმილ ეუთოს სამიტს, სადაც საქართველოს კიდევ ერთხელ მიეცემა შესაძლებლობა, დააყენოს საქართველოს დეოკუპაციისა და იძულებით გადაადგილებულ პირთა დაბრუნების საკითხი.
ეუთოს გენერალური მდივანი მიესალმა საქართველოს კონსტრუქციულ მიდგომას საქართველო-რუსეთს შორის არსებული კონფლიქტის მშვიდობიან გადაწყვეტასთან დაკავშირებით და ყურადღება გაამახვილა საქართველოს საერთაშორისო საზოგადოებასთან ნაყოფიერი თანამშრომლობის პერსპექტივებზე. შეხვედრაზე ასევე ისაუბრეს საერთაშორისო სასამართლოს მიერ (ICG- International Court of Justice) კოსოვოს დამოუკიდებლობის ცნობის საკითხზე და აღინიშნა, რომ კოსოვოსა და საქართველოს შემთხვევები სრულიად განსხვავდებიან ერთმანეთისაგან და კოსოვოს დამოუკიდებლობის ცნობა გავლენას არ მოახდენს საქარტველოს ოკუპირებული ტერიტორიების აღიარებაზე.
